如果你係30歲以上，女仔，單身，又想拍拖嘅，請一定要睇呢篇
宇宙連續兩天俾咗同一個sign我，必須要寫呢篇啦
話說我識好多優秀嘅女仔搵唔到另一半
樣靚嘅，身形好，有好好嘅職業，性格開朗
以呢啲條件我見到通常都覺得：
「有咩可能呀，你呢啲大把人追啦！」
而我發現咗呢類女仔都有一個共通點
就係佢哋有一個共同嘅Believe
就係：
「荀盤都俾人 mark晒啦」
吓？！我聽完真係吓咗出嚟！
咪住先，30歲40歲，仲好多好優秀嘅男士想搵你哋ga wor!
我就親眼見過唔少係呢個年紀先遇到美好嘅另一半
最大阻礙就係呢個Believe
吸引力法則會實現你所想嘅
所以你嘅世界的確係冇好嘅男人
但只要你肯打開你嘅心
知道呢個世界有適合你嘅人
老實說，我覺得三四十歲嘅男人仲好啲
因為多少都有啲經歷，做人都比較成熟
唔會好似廿幾歲嗰啲咁多問題要你去處理
我有朋友買樓揀定單人床
我有朋友諗定退休一個人點安排生活
當然佢哋都係單身嘅
如果本身係希望單身嘅當然OK啦
但係如果你係想有個伴侶嘅就要轉變下個諗法
當初我未識我老公
但係我覺得我總有一天會結婚嘅
就已經同屋企人講定會搬出去呀之類
我阿媽震驚咗
結果我講完呢句之後過咗幾個月
就無啦啦識咗我老公lu
所以
轉一轉你哋嘅諗法
因為我覺得你哋真係好正呀！
只要你留個位俾宇宙
佢自然會安排一個最美好嘅人俾你❤️
